UVIÉU, 14 Oct. (EUROPA PRESS) -
Los portavoces parllamentarios de PP, Ciudadanos, Podemos, IX, Foru y Vox unviaron un escritu al presidente del Gobiernu d'Asturies, el socialista Adrián Barbón, na que-y espresen el so "malestar fondu" por nun ser convidaos al actu de constitución de la denominada 'Mesa Rexonal de la Descarbonización'.
L'actu foi esti llunes y asistió la ministra de Transición Ecolóxica del Gobiernu d'España, Teresa Ribera, el conseyeru d'Industria, Empléu y Turismu del Principáu d'Asturies, Enrique Fernández, amás d'otros miembros del Gobiernu rexonal, de la Federación Asturiana d'Empresarios (FADE) y de los sindicatos UXT y CCOO.
Nel escritu que firmaron Teresa Mallada (PP), Laura Pérez Macho (Ciudadanos), Lorena Gil (Podemos), Ángela Vallina (IX), Adrián Pumares (Foru) y Ignacio Blanco (Vox), los portavoces espliquen que nun momentu nel que la industria asturiana precisa de soluciones "d'ampliu consensu" nun pue quitase de la la participación nesi órganu "a los que representen a la mayor parte de lo asturianos". Consideren amás que'l xestu supón un "facer de menos" a la Xunta Xeneral.
Por eso, quixeron treslladar la so quexa formal a Adrián Barbón y esíxen-y qu'incorpore a tolos grupos parllamentarios asturianos a esa mesa pa que puedan participar en toles xuntes que se celebren.
