UVIÉU, 14 Ago. (EUROPA PRESS) -
La Conseyería de Salú confirmó esti vienres 24 casos positivos de coronavirus, dos rellacionaos colos brotos declaraos en Cangas y col focu mistu (llaboral-familiar) d'Uviéu.
Col casu nuevu vinculáu al brotu declaráu nel chigre El Chiringuito del Pela, de Courias, los contaxos xuben a 18. Coles mesmes, el focu mistu d'Uviéu incorpora otru positivu nuevu, polo que'l númberu total de persones afectaes xube a 6.
Per otru llau, notificaron 8 positivos que son contactos estrechos de casos conocíos y otros 9 procedentes d'otres comunidaes (Madrid, País Vascu y Llión) y de Francia.
El Serviciu de Vixilancia Epidemiolóxica investiga agora'l restu de los casos pa establecer el so vínculu epidemiolóxicu. Los contaxos presenten síntomes leves y tán n'aislamientu nes sos cases.
