UVIÉU, 25 Feb. (EUROPA PRESS) -
El director xeneral de Salú Pública, Rafael Cofiño, llanzó esti martes un mensaxe de "tranquilidá y confianza na capacidá del nuestru sistema sanitariu" pa encarar l'andanciu del coronavirus.
"Ye necesario caltener la tranquilidá y la confianza énte la capacidá de respuesta del nuestru sistema sanitariu y los nuestros sistemes de detención y vixilancia epidemiolóxica pa poder actuar énte estes situaciones", indicó Cofiño nunes declaraciones distribuyíes a los medios de comunicación pola Conseyería de Salú.
Rafael Cofiño indicó qu'a lo llargo del día de güei van facese sesiones y xornaes técniques y polítiques pa revisar la situación epidemiolóxica existente y ver si faen modificaciones o non del protocolu d'actuación.
Nesti sentíu insistió en que'l Principáu trabaya de manera coordinada col restu de comunidaes autónomes al traviés del Ministeriu de Sanidá col qu'hai una "collaboración esquisita".
Esplicó amás qu'a estes altures hai yá muncha información del coronavirus, como que se trata d'una infección transmisible de persona a persona pero poco contaxosa y amás los casos graves aparecieron en persones mayores y en persones con enfermedaes graves, "una situación que pue ser asemeyada a la que se da con una epidemia de gripe".
