UVIÉU, 28 Nov. (EUROPA PRESS) -
La Sala Civil y Penal del Tribunal Superior de Xusticia d'Asturies (TSXA) informó esti xueves que declara la competencia d'esta Sala pa la conocencia d'una denuncia por presuntes inxuries, llevantos y incitación al odiu nes redes sociales presentada pol alcalde de Bimenes, Aitor García Corte (Asturianistes por Bimenes), contra'l diputáu autonómicu Ignacio Blanco (Vox).
La causa recibióla'l TSXA dende'l Xulgáu de primera Instancia y Instrucción númberu 3 de Siero, onde se presentó la denuncia'l 23 d'ochobre, tornándose a favor de la Sala Civil y Penal dada la condición de diputáu rexonal del demandáu.
Nesti sentíu la Sala Civil y Penal dictó nomar como instructor al maxistráu José Ignacio Pérez Villamil, amás de siguir les dilixencies previes incoaes pol Xulgáu remitente, cola práctica de les dilixencies qu'alcuerde l'instructor mentáu.
