BILBO, 22 (EUROPA PRESS)
Mungiako (Bizkaia) Lamincer enpresako langile batzordeak administrazio publikoei eskatu die joan den ostiralean gertaturiko lan istripuan hil zen 57 urteko lankidearen heriotzaren arrazoiak argitzeko eta egon litezkeen erantzukizunak garbitzeko.
Ildo horretan, LAB sindikatuko iturriek jakinarazi dutenez, enpresako langileak 24 orduko lanuztea egiten ari dira astelehen honetan, joan den ostiralean hildako lankidearen heriotza salatzeko.
Sukarrietako 57 urteko auzokidea zen gizonezko bat hil zen joan den ostiralean, Mungiako Lamincer enpresan gertaturiko lan istripuan. Antza denez, beste langile batek bobina handi bat zeraman Fenwick orga jasotzaile batean, bobinak ez zion lankidea ikusten utzi eta harrapatu egin zuen.
