SANTIAGO DE COMPOSTELA, 11 Sep. (EUROPA PRESS) -
Blusens Corporation, multinacional tecnolóxica de orixe galega, lanzará ao mercado mundial a partir do 20 de setembro un novo MP3 máis lixeiro e pequeno que os tradicións e con mellores prestacións, segundo anunciou hoxe a compañía.
Levará como nome 'Keia', que significa hoxe en hawaiano, pois o obxectivo foi deseñar un equipo actual que se adaptase ás necesidades de cada usuario en calquera momento. Con tan só 19 gramos de peso, terá ata 4Gb de memoria, radio FM, cronómetro, temporizador, gravador de audio e voz e un micrófono.
Blusens tamén destaca que o manexo é máis sinxelo, pois o propio reprodutor é un gran botón que permite un control total e a súa pantalla en cor mostra un menú sen palabras intuitivo e fácil de usar.
'Keia' estará dispoñible en todo o mundo a partir do 20 de setembro cun prezo de 35,9 euros na versión de 2Gb e de 49,9 na de 4Gb, con diferentes cores e acabados.
