SANTIAGO DE COMPOSTELA, 12 Abr. (EUROPA PRESS) -
Palas de Rei (Lugo) acollerá mañá, con motivo da exposición sobre neurociencia 'O mundo na túa cabeza. A máquina de crear realidades', a celebración dunha café científico no que participarán o actor Vicente de Souza e os profesores Castro Rivadulla e Xurxo Mariño.
Segundo informou hoxe a Consellería de Innovación, o café celebrarase na Casa do Outeiro e todos aqueles que decidan achegarse gozarán dunha consumición gratis. Esta localidade lucense acoller a exposición sobre neurociencia dende o pasado martes para trasmitir ao público o coñecemento do cerebro e do sistema nervioso.
Esta mostra é produto da colaboración entre a Dirección Xeral de I+D+i da Xunta e o Museo Luis Iglesias, que se encargou da súa coordinación. Ademais, contou co asesoramento de expertos como Xurxo Mariño e Castro Rivadulla, membros do grupo de investigación Neurocom da Universidade da Coruña, e Rafael Sisto, especialista en didáctica da ciencia.
