SANTIAGO DE COMPOSTEla, 12 Jun. (EUROPA PRESS) -
A Consellería de Innovación e as universidades da Coruña e de Vigo colaboran no desenvolvemento de ferramentas informáticas de software libre que permitan mellorar a accesibilidade ás tecnoloxías da información e a comunicación (TICs), entre as que se atopa un anaco que funciona co movemento da cabeza.
Ademais, o convenio asinado entre as tres institucións prevé tamén a creación dun xestor de arranque para persoas invidentes ou con cegueira parcial e a mellora da accesibilidade a internet a través do navegador Mozila Firefox para deficientes visuais.
Este traballo será realizado de xeito maioritario pola Facultade de Informática da Universidade da Coruña, mentres que a de Vigo colaborará nesta iniciativa achegando a súa experiencia nos sistemas de recoñecemento e síntese de voz.
