SANTIAGO DE COMPOSTELA, 15 Mar. (EUROPA PRESS) -

O encontro informático Xuventude Galicia Net, que se desenvolverá ata mañá no compostelano Palacio de Congresos, ofrecerá entre as súas múltiples actividades sobre novas tecnoloxías unha zona de Extranet para que calquera persoa poida intervir no evento sen necesidade de inscribirse como participante.

Segundo sinalou Vicepresidencia, na Extranet habilitáronse un total de 40 ordenadores con conexión a Internet, provistos de 8 megabits, nos que se pode navegar de xeito gratuíto pola rede.

Así mesmo, xa dentro do encontro, os afeccionados ás consolas poderán gozar dunha sala de xogos para "probar as últimas videoconsolas dl mercado", tales como a Xbox, a Play Station 3 e a Nintendo Wii.

Ademais, os participantes tamén poden utilizar varios simuladores, como os de escalada ou esquí, participar nunha competición de scalextric e subir nun touro mecánico.

Unha das novidades "máis destacadas" deste evento é a presenza no recinto dun robot da Universidade de Vigo, 'RATO', que fará demostracións en vivo e serve de guía aos visitantes.

Xuventude Galicia Net abrangue tamén unha área específica para os máis pequenos, con novas tecnoloxías en galego á súa medida así como talleres de globoflexia, maquillaxe, cuentacuentos e outros entretementos para os nenos.

Así mesmo, cen maiores dos centros de dependentes de Vicepresidencia navegarán por internet en nunha zona reservada para eles, onde poderán practicar o aprendido nas ciberaulas dos seus respectivos centros ao longo dos últimos meses.

O programa do encontro complétase con varios cursos para todos os participantes, así como conferencias abertas a calquera persoa e a proxección das películas de animación Donkey Xote e Nocturna.