SANTIAGO DE COMPOSTELA, 22 Jul. (EUROPA PRESS) -
Tres persoas resultaron feridas graves e outras dúas leves a última hora deste domingo nunha colisión entre dous turismos que tivo lugar no municipio coruñés de Vimianzo.
Segundo a información do CIAE 112-Galicia, o suceso tivo lugar sobre as 19,15 horas no quilómetro 65 da estrada AC-552, ao seu paso polo lugar da Lagoa.
Até a zona foron mobilizados os Bombeiros de Cee, que tiveron que intervir para liberar a dúas das vítimas, que quedaran atrapadas no interior dun dos vehículos.
Así mesmo, desprazáronse efectivos de Garda Civil de Tráfico e Protección Civil da localidade, así como persoal sanitario do 061, que trasladaron ao Hospital Virxe da Xunqueira a un total de cinco vítimas, tres delas graves.
