Feijóo espera que a actuación estea lista sobre a Semana Santa de 2020 e sitúaa como "un dos fitos" para o Ano Santo
SANTIAGO DE COMPOSTELA, 19 Nov. (EUROPA PRESS) -
Un convenio entre a Fundación Iberdrola España e a Catedral de Santiago permitirá instalar por primeira vez un sistema iluminación integral e completo para o interior do inmoble, no que a empresa destinará un montante de preto de 800.000 euros.
Estas actuacións permitirán renovar a iluminación interna ornamental do monumento e resaltar os elementos distintivos de todas as pezas de arte que integran o inmoble, como o cruceiro, as pinturas, a escultura e o Pórtico da Gloria.
No acto de firma do acordo, o presidente da Xunta, Alberto Núñez Feijóo, destacou esta iniciativa como "un dos fitos" para o próximo Ano Santo e confiou en que o ritmo das actuacións e da instalación permita contar con iluminación para a Semana Santa de 2020.
