LUGO, 17 Oct. (EUROPA PRESS) -
Un home faleceu na madrugada deste mércores no municipio lucense de Baleira tras saírse da vía e envorcar o vehículo no que viaxaba.
Segundo a información do Centro Integrado de Atención a Emerxencias 112-Galicia, o suceso ocorreu sobre as 2,00 horas da madrugada, na entrada ao polígono de Baleira, onde o vehículo se saíu da vía e envorcou contra un muro.
Até a zona desprazáronse efectivos dos Bombeiros de Sarria, Garda Civil de Tráfico e Protección Civil da localidade. No accidente resultou ferido o outro ocupante do vehículo.
