SANTIAGO DE COMPOSTELA, 3 Mar. (EUROPA PRESS) -
O Consello da Cultura Galega (CCG) expresou hoxe a súa preocupación polos perxuízos que a diminución da carga de traballo nos centros territoriais de RTVE en Galicia --TVE e RNE-- e a conseguinte redución das emisións en galego tería para a información e a comunicación en galego.
Tralo acordo co previsto no Plan de Viabilidade elaborado pola SEPI, o CCG advertiu dos efectos que esta medida suporía para o coñecemento, a utilización e a normalización do galego. O plan reduce os informativos do centro territorial de TVE e elimina as desconexións territoriais e locais de Radio 5-Todo Noticias de RNE, que, a xuízo do consello, estaban a cumprir "unha importante función de servizo público e de normalización lingüística".
En consecuencia, o CCG destacou as "consecuencias negativas" que esta iniciativa conleva para a diversidade lingüística e cultural e para "o irrenunciable pluralismo informativo, reiteradamente invocado e defendido desde as instancias gobernamentais".
