SANTIAGO DE COMPOSTELA, 23 Jul. (EUROPA PRESS) -
O Consorcio Audiovisual de Galicia e a Escola de Cine de Cataluña (Escac) promoverán no mes de outubro en Santiago a celebración dun curso superior de dirección de fotografía cinematográfica. Esta actividade enmárcase dentro dun convenio de colaboración para este ano firmado por ambas entidades esta semana.
O curso ofrecerá 14 prazas para as que será necesario ter experiencia profesional no eido da dirección fotográfica ou como axudantes e operadores de cámara.
A súa duración está previsto que sexa de dúas semanas con horario intensivo e contidos tanto teóricos como prácticos, incluíndo sesións de rodaxe con equipos de iluminación e cine, tanto en plató como en exteriores. Os interesados poderán obter máis información na web do Consorcio Audiovisual de Galicia, www.consorcioaudiovisual.org.
