SANTIAGO DE COMPOSTELA, 6 Jul. (EUROPA PRESS) -
A agrupación L'Arpeggiata, dirixida por Christina Pluhar, actuará mañán en Santiago, dentro do ciclo 'Via Stellae', coa interpretación de 'Os Impossibles: Tarantelas, Chaconas e Fandangos do Vello e do Novo Mundo', acompañada pola bailarina Anna Dego.
Ademais do Auditorio e o Principal, o Salón Teatro e as igrexas de San Martiño Pinario e San Miguel dos Agros acollerán concertos do Via Stellae. O programa de mañán inclúe danzas e bailes que amosan o rico intercambio cultural e musical establecido entre Europa e América entre os séculos XVI e XVIII.
L'Arpeggiata e Anna Dego bailarán e tocarán danzas como a chacona, a tarantela, a folia, a bergamasca, as españoletas, a romanesca e o fandango. O público poderá aprezar a particular forma de achegarse a este repertorio por parte deste grupo, creado pola laudista austríaca Christina Pluhar e formado por destacados solistas especializados na música antiga e barroca.
